Македонија го освои сребрениот медал на Европското училишно првенство во баскет 3×3
Одличен успех оствари Македонија на Европското училишно првенство во баскет 3×3 што се одржа во Белград, Србија.
Препорачано
Нашите натпреварувачи во финалето загубија во борбата за златниот медал од селекцијата на Англија со резултат 22:18.
Дефинитивно, нема простор за разочарување бидејќи Македонија блескаше со своите настапи на првенството и заслужено стигна до самата завршница.
Секоја чест за Дамјан Данев, Григориј Ѓорѓевиќ, Дамјан Стојановски и Филип Алексовски кои гордо ја претставуваа нашата земја со својата борбеност и перфектна тимска игра.
До самото финале, Македонија најпрвин оствари пет победи во групата А над Молдавија (21:8), Хрватска 2 (21:15), Црна Гора (21:11), Хрватска 3 (21:10) и Србија 1 (17:16).
Во четвртфиналето беше остварен триумф над Хрватска 1 (21:17), а во полуфиналниот меч беше совладана Хрватска 2 (22:9).
На третото место се најде Србија 2, а редоследно од четвртата од 12 позиција на конечниот пласман се: Хрватска 2, Хрватска 2, Србија 1, Турција, Хрватска 1, Црна Гора, Република Српска, Словачка и Молдавија.
Во женска конкуренција првото место го освои Хрватска 2, пред второпласираната Србија 1, а бронзата оди кај Турција. Редоследно од четвртата до 10 позиција на конечниот пласман се: Србија 2, Англија, Република Српска, Хрватска 1, Бугарија, Словачка и Црна Гора.
