Лионел Меси беше преплавен од емоции откако го постигна првиот гол на натпреварот Аргентина-Алжир на Светското фудбалско првенство, а по победата (3:0) откри дека неговите солзи не се поврзани со фудбалот.

Неодамна, најдобриот стрелец во историјата на светските првенства, заедно со Мирослав Клосе, постигна три голови против своите ривали, но првиот гол особено го трогна. Фудбалската јавност се прашуваше зошто, но играчот на Интер Мајами остана некако збунет.

– Немаше никаква врска со фудбалот или спортот воопшто, поминав низ тешки, комплицирани денови. Благодарен сум на целата делегација и на моите соиграчи, тие дадоа сѐ од себе за да се чувствувам добро – објасни осумкратниот освојувач на Златната топка.

Поранешниот играч на Барселона и Пари Сен Жермен сруши и израмни многу рекорди со одличниот настап против африканската репрезентација, а „гаучосите“ тргнаа сигурно кон одбраната на трофејот на најголемата сцена.

Селекцијата на Лионел Скалони во второто коло ќе игра против Австрија во понеделник (19.00 часот), додека групната фаза ќе ја затвори со мечот против Јордан на 28 јуни (04.00 часот).

Јужноамериканскиот тим е во серија од осум последователни победи, при што прими само еден гол. Мора да се каже дека ривалите не беа особено квалитетни (Венецуела, Порторико, Ангола, Мавританија, Замбија, Хондурас, Исланд, Алжир), но секоја таква серија заслужува почит.

❤️‍🩹 Leo Messi: “I cried after the first goal, yes… but it was something completely unrelated to football”.

“I went through some difficult days, but I’m grateful to the entire delegation and my teammates because they were always by my side, giving me a lot of strength”. pic.twitter.com/HMJXmnvDtl

— Fabrizio Romano (@FabrizioRomano) June 17, 2026