Катар доби несекојдневна поддршка на Светското првенство, откако емирот на земјата, шеикот Тамим бин Хамад Ал Тани, овозможи околу илјада навивачи бесплатно да отпатуваат во Канада за да ја бодрат националната репрезентација.

Катарските навивачи пристигнаа во Ванкувер со чартер летови и веднаш создадоа вистинска карневалска атмосфера во градот. Со тапани, песни и знамиња, тие го најавија натпреварот од второто коло во Групата Б против домаќинот Канада.

ВИДЕО | Мундијалски вести: Невидливиот Роналдо ја угуши Португалија, Англија ја наполни мрежата на Хрватска

Програмата е финансирана од Катарскиот фонд за социјални и спортски придонеси во соработка со Фудбалската асоцијација на Катар. Освен авионскиот превоз, за навивачите се обезбедени и хотелско сместување, локален превоз и дополнителни бенефиции.

Од Катарската фудбалска федерација соопштија дека целта на иницијативата е да се создаде позитивна атмосфера на трибините и дополнителна поддршка за репрезентативците на најголемата светска фудбалска сцена.

За кого навиваат нашите политичари на Светско? Тошковски за Португалија, Пендаровски и Апасиев за Бразил, Бендевска за Босна…

„Би сакал да им се заблагодарам на сите што допатуваа овде за да нè поддржат. Свесни сме за нашата одговорност и ќе направиме сè што е во наша моќ навивачите да го напуштат стадионот среќни и горди на нас“, изјави капитенот на Катар, Абдулазиз Хатем.

Катар го започна настапот на Светското првенство со реми од 1:1 против Швајцарија, а во дуелот со Канада ќе се обиде да стигне до првата победа на турнирот.

ВИДЕОИНТЕРВЈУ | Единствените македонски известувачи од Мундијалот: Мијалче и Наташа Дургутови