Рускиот патнички авион „Боинг 737-800“ на авиокомпанија „Смартавија“, кој вчера исчезна од радарите со 189 патници и членови на екипажот, принудно слетал во Сочи, објави новинската агенција 112.уа.

Авионот кој летал на редовната линија Сочи – Архангелск, испратил сигнал за помош додека се наоѓал над Црното Море и набргу исчезнал од радарите. Половина час по полетувањето, пилотите пријавиле шифра 7700, што означува сериозен инцидент во авионот.

Нема официјална изјава за инцидентот, ниту објаснување што се случило со авионот.

Седиштето на компанијата „Смартавија“ е во Архангелск, а нејзината флота се состои од 13 авиони: два „Боинг 737-700“, девет „Боинг 737-800“ и два „Ербас А320“. Просечната старост на флотата на „Смартавија“ е 16,8 години.

Руски авион со 189 патници исчезна од радарите