Ашраф Хакими кој настапува со фудбалската репрезентација на Мароо на Светското првенство ќе биде суден за силување, одлучи Апелацискиот суд во Париз, пренесува „Франс 24“.

Капитенот на мароканскиот тим првпат беше обвинет за силување во 2023 година, од тогаш 24-годишна жена.

Во февруари оваа година, истражен судија пресуди дека Хакими ќе се соочи со судење по препораките на јавните обвинители. Датумот на судењето сè уште не е објавен.

Десниот бек на францускиот фудбалски клуб ПСЖ поднесе жалба на одлуката, но денес таа жалба беше поништена, отворајќи го патот за Хакими да биде суден на кривичен суд.

Хакими на социјалните мрежи напиша дека неговиот случај ќе беше отфрлен доколку не беше познат и дека понекогаш се чувствувал како да станал „лесна цел“. Тој вели дека случајот е штетен не само за него, туку и за неговото семејство и „пред сè, за вистината“.

– Со години избирав да молчам. Верував дека достоинството, трпението и довербата во правосудниот систем ќе овозможат да се донесат правилни одлуки. Чекам на ова судење од првиот ден. А сега нетрпеливо го чекам. Конечно, ќе можам да зборувам – рече Хакими.

La justice m’a regardé dans les yeux et m’a dit : « Si vous n’étiez pas connu, il n’y aurait jamais eu d’affaire. »

J’ai choisi de me taire pendant des années. J’ai pensé que rester digne, être patient et faire confiance à la justice permettrait que les bonnes décisions soient…

— Achraf Hakimi (@AchrafHakimi) June 19, 2026