Селекторот на фудбалската репрезентација Хаити, Себастијан Мињ, пред натпреварот против Бразил (20 јуни, 02.30 часот) изјави дека неговиот тим нема што да изгуби и може само да добие од судирот со петкратните светски шампиони, кој ќе се игра во Филаделфија.

– Мојата порака до играчите е едноставна: „трчај, трчај, трчај!“ Многу други тимови би сакале да бидат на наше место, па затоа имаме среќа. Неверојатно е што утре ќе играме против еден од најдобрите тимови во светот. Но, го заслуживме нашето место тука. Точно е дека немаме меѓународно искуство како другите тимови, но мора да го пронајдеме вистинскиот пристап кон играта – рече селекторот на Хаити.

Хаити го започна своето учество на Светското првенство со тесен пораз од 1:0 против Шкотска, додека Бразил ремизираше 1:1 со Мароко во нивниот прв натпревар во рамките од групата Ц.

– Многу е важно како ќе го започнеме натпреварот. Сакам да видам дека сите се подготвени да ги исполнат целите што си ги поставивме“ – вели Мињ.

Претходно на полноќ (00.00 часот) по македонско време, Шкотска ќе игра против селекцијата на Мароко.

Нејмар ќе го пропушти и вториот меч на Бразил на Светското првенство