Македонија ќе биде домаќин на квалификацискиот турнир за женското кадетско Европско првенство што ќе се одржи во 2027 година, објави Ракометната федерација на Македонија (РФМ).

РФМ информира ја доби организацијата на квалификацискиот турнир за пласман на ЕП, кој ќе се одржи од 27 до 29 ноември 2026 година во Скопје.

Нашите кадетки ќе настапат во групата Б, заедно со селекциите на Литванија, Косово и Грција.

Турнирот ќе се игра пред домашна публика во македонската престолнина.

Првите две селекции од групата ќе обезбедат пласман на Европското првенство, а дополнително ќе се пласира и најдобро рангираната третопласирана репрезентација од сите квалификациски групи.