Овогодинешното Светско фудбалско првенство донесе интересен случај во норвешката репрезентација, каде што тројца фудбалери тргнаа по стапките на своите татковци, кои исто така настапија заедно на најголемиот фудбалски настан.

Всушност, ваков случај никогаш порано не е забележан во историјата на светските првенства, една репрезентација да има три сина на поранешни репрезентативци, кои исто така настапија заедно на планетарното првенство и на истата локација.

Норвешка е претставена на Светското првенство во САД, Канада и Мексико, меѓу другите, од Ерлинг Халанд, Александер Серлот и Кристијан Торствед, а повеќе од интересно е што нивните татковци Ал-Инге Халанд, Горан Серлот и Ерик Торствед играа заедно на Светското првенство кое исто така се одржа во САД во 1994 година.

Скандинавскиот тим, со четири бода од три натпревари, не успеа да се квалификува во нокаут фазата на натпреварувањето во 1994 година, а сега нивните синови имаат одлична можност да го надминат овој резултат, бидејќи имаат три бода пред второто коло, по убедливата победа над Ирак во првиот натпревар (4:1).

На овој меч блескаше Ерлинг Халанд со два гола, а играше покрај Александер Серлот, кој на теренот помина 72 минути. Во игра влезе и Кристијан Торствед, кој играше во последните 18 минути.

Norway became the first team ever to field three sons of former World Cup players in the same match.

Haaland, Sorloth and Thorstvedt followed in the footsteps of their fathers, who played together for Norway at the 1994 World Cup.

🏆 #FIFAWorldCup

⚽️ https://t.co/StU2F3ryg7 pic.twitter.com/KpurbwcfpL

— AJE Sport (@AJE_Sport) June 18, 2026