Младата 20-годишна чешка тенисерка Никола Бартункова (ВТА. 62) на турнирот во Берлин, Германија, беше на прагот на најголемата победа во кариерата во петокот.

Бартункова убедливо го освои првиот сет со 6:2, а потоа во вториот водеше и со 4:0 против најдобрата тенисерка во светот Арина Сабаленка, но не успеа да го комплетира изненадување и не можеше да го издржи притисокот.

Сабаленка направи пресврт во понатамошниот период од мечот, најпрвин израмни откако го доби вториот сет во тај-брејк 7:6 (2), а во третиот решавачки сет Белорусинката беше подобра со 6:4 за пласман во полуфиналето на турнирот.

За пласман во големото финале Сабаленка ќе игра против Американката Џесика Пегула која беше подобра од нејзината сонародничка Медисон Киз со 7:6 (5) и 7:6 (8).

Позната е уште една полуфиналистка, Линда Носкова од Чешка со 6:1 и 6:3 ја елиминираше Паула Бадоса од Шпанија и во следната фаза ќе игра со победничката од дуелот меѓу Елина Свитолина (Украина) и Александра Еала (Филипини).