Австралискиот репрезентативец Џордан Бос беше најбрз играч во првото коло на Мундијалот
Меѓународната фудбалска федерација, ФИФА, објави голем број статистики по првото коло на Светското првенство, а една од поинтересните е секако онаа поврзана со брзината на играчите.
Препорачано
И малкумина очекуваа дека на врвот на листата на најбрзи играчи во првото коло ќе се најде, одбранбен играч, односно во овој случај, членот на репрезентацијата на Австралија на австралиската репрезентација, Џордан Бос.
Според податоците измерени од ФИФА, левиот бек на холандскиот клуб Феенорд и австралиската репрезентација достигна брзина од 36,7 километри на час во победата на неговата репрезентација против Турција (2:0).
Само еден човек може да каже дека е блиску до оваа брзина – Норвежанецот Ерлинг Халанд достигна брзина од 36,5 км/ч.
FASTEST top speeds — World Cup Round 1 ⚡
1. Jordan Bos — 36.7 km/h
2. Haaland & Khusanov — 36.5
Son (35.2) ahead of Mbappé (35.1, 9th) 👀Speed wins games. Who's quickest in YOUR fantasy XI? pic.twitter.com/geAlNm9rwm
— FPL Liga Pisangijo (@pisangij01) June 19, 2026
Со истата брзина како играчот на Манчестер сити, може да се пофали и Узбекистанецот Абдукодир Кусанов, додека Мохамед Траоре од Австралија е малку побавен (35,8 км/ч).
На петтото место е Рајан Гравенберх (35,6 км/ч) од Холандија, по него следуваат Алан Минда од Еквадор (35,5 км/ч), Сон Хеунг-мин од Јужна Кореја (35,2 км/ч), Џед Спенс од Англија (35,2 км/ч) и Килијан Мбапе од Франција (35,1 км/ч), пред Педро Нето од Португалија и Есмир Бајрактаревиќ од Босна и Херцеговина кои имаа иста брзина – 34,8 километри на час.
Ова можеби не е изненадување за навивачите на Феенорд и оние кои внимателно го следат холандскиот фудбал, но да не се лажеме – за повеќето е изненадување. Бос дојде на Светското првенство по најдобрата сезона во својата кариера, беше еден од најдобрите дефанзивци во лигата и постигна четири гола.
