Многу членови на британското кралско семејство се познати по своите специфични гастрономски навики, но појадокот на принцезата Ана се издвојува по едно изненадувачки строго и необично правило, пишува „Мирор“.

75-годишната принцеза, која важи за една од најважните членови на кралското семејство, денот го започнува со банани, но исклучиво со оние кои се премногу зрели и со кора која е целосно поцрнета. За разлика од повеќето луѓе кои во продавница избираат жолти и свежи плодови, принцезата Ана претпочита овошје кое изгледа како веќе да е расипано.

Поранешниот кралски готвач Дарен МекГрејди откри дека и нејзината покојна мајка, кралицата Елизабета Втора, имала слични барања за овошјето, но Ана оди во крајности.

Што велат нутриционистите?

Иако оваа навика на многумина им изгледа бизарно, експертите објаснуваат дека ваквиот појадок всушност има свои здравствени предности.

Како што бананата созрева и поцрнува, скробот во неа постепено се претвора во природни шеќери, поради што овошјето станува многу помеко, послатко, но и значително полесно за варење во споредба со позелените банани. Покрај тоа, тие се одличен извор на влакна, витамин Б6 и калиум, кои се клучни за одржување на енергијата, здрава работа на мускулите и на нервниот систем во текот на целиот ден.

Во „Круната“ изоставен најголемиот скандал, вооружениот обид за киднапирање на принцезата Ана

Откриени тајни од кралското семејство: Принцезата Ана со години ја заплашувала Камила Паркер!