Денеска најдобрата македонска женска одбојкарска репрезентација ја продолжи серијата на порази во Европскат лига 2026.

На домашен терен во СЦ „Борис Трајковски“ во Скопје избраничките на селекторот Милош Гавриловиќ загубија со 3:0 во сетови 25:15, 25:12, 25:15 од селекцијата на Хрватска.

За нашата репрезентација најефикасна беше Милевска со седум поени, по пет поени имаа Ковачевиќ и Миладикова, а по четири Стојкоска и Фасулева.

В сабота нашите најдобри одбојкарки имаат слободен ден, а во недела го заокружуваат учеството во годинешното издание со натпревар против Словенија.

Како што извести Одбојкарската федерација на Македонија, влезот во салата за сите натпревари е слободен.