Мозаикот за сезоната 2026/27 ракометниот клуб Еурофарм Пелистер го комплетира со доведување на уште еден среден бек. Нов член на битолската екипа е Алекса Колаковиќ, кој се обврза на договор на една сезона, со опција за уште една.

Се работи за 28-годишен српски репрезентативец, роден во Подгорица, кој доаѓа во Битола од францускиот ракомет.

Помина четири сезони во Сант-Рафаел и две во Шартр, има шест настапи за српската репрезентација, а настапите во една од најсилните лиги во светот беа добра препорака за трансфер во РК Еурофарм Пелистер.

Србинот е деветто засилување за новиот тренер Лино Червар по: Серафимов, Котар, Мехмедовиќ, Џелетовиќ, Татар, Белистојаноски, Басанесе и Џелиловиќ.

Колаковиќ ќе биде претставен во јавноста на стартот од подготовките на 24 јули.