Италијанскиот кошаркарски клуб Наполи Баскет ова лето посакува да го ангажира еден од најдобрите македонски репрезентативци, Андреј Јакимовски.

Според „Планета Баскет“, клубот постигна напредок во преговорите со Македонецот, кој веројатно ќе го напушти Тренто.

Се шпекулира и преселба во шпанската Валенсија, но играчот на крајот би можел да остане во Италија, поточно да се приклучи на екипата под водство на Јасмин Репеша.

Следната сезона, Наполи Баскет ќе игра и во Еврокупот откако доби едногодишна лиценца.

Јакимовски во Серија А имаше просек од 9,3 поени по натпревар, 4,6 скока и 1,1 асистенција, додека во Еврокупот постигна 10,8 поени и 6,1 скока за 24,4 минути.