Фудбалерите на Јапонија го победија Тунис со 4:0 во второто коло од групата Ф на Светското првенство во САД, Канада и Мексико, кое се играше во Монтереј. Инаку ова беше јубилејниот 1000 натпревар во историјата на Мундијалите.

Јапонците со овие бодови направија голем чекор кон место меѓу 32 најдобри репрезентации на Светското првенство.

Стрелци на головите беа Камада во четвртата минута, Уеда во 31 и 83 минута, и Ито во 69 минута од средбата.

Со овој пораз, Тунис ги загуби шансите да се пласира во следната фаза од турнирот, бидејќи е четири бода зад Холандија и Јапонија, со послаб меѓусебен скор од Шведска која не може да ја прескокне на табелата.

Од друга страна, Јапонија ќе ја затвори групната фаза против Швеѓаните.