Демократска Република Конго во саботата соопшти дека бројот на потврдени случаи на ебола во земјата се зголемил на 956, меѓу кои има и 247 смртни случаи, објави „Ројтерс“.

Во петокот имало 933 потврдени случаи и 245 починати.

Во изминатото деноноќие се регистрирани 23 новозаразени и уште два смртни случаи.

Надлежните продолжуваат со активностите за спречување на ширењето на вирусот, како и со следење на контактите во засегнатите области.

Сегашниот бран е поврзан со опасниот вид Бундибуѓо, за кој нема одобрена вакцина.

Во ДР Конго, многумина не веруваат дека вирусот постои и веруваат во теории на заговор дека станува збор за западна пропаганда, што го отежнува справувањето со епидемијата.

Вооружени мажи пред неколку дена насилно извеле заболено девојче од болница во Бутембо.

Пациент заразен со ебола пристигна во Европа