На една од најпрометните раскрсници во Загреб, денеска имаше застој во трамвајскиот сообраќај откако автомобил падна во ископан дел од трамвајската пруга, пренесуваат хрватските медиуми.

Инцидентот се случил на крстосницата на улицата „Савска“ и улицата „Града Вуковара“ во Загреб.

Како што пренесуваат хрватските медиуми, пред само неколку дена на оваа крстосница била воведена нова сообраќајна регулатива поради градежни работи. Автомобилот кој заврши во ископан дел од железничката пруга, беше извлечен од служба за влечење.

Нова регулатива

Новата сообраќајна регулатива е на сила од 31 август на оваа крстосница. Беше воведена поради реновирање на главниот водоводен цевковод во улицата и реновирање на трамвајската пруга.

Инаку, како што пишува хрватскиот портал, од минатата сабота сите свртувања налево се оневозможени на таа раскрсница.