Во пресрет на големото финале на Светското првенство меѓу Шпанија и Аргентина, во јавноста се појавија информации дека паузата меѓу двете полувремиња ќе трае дури 25 минути поради спектакуларната музичка програма.

Сепак, ФИФА денеска ги демантираше тие тврдења и официјално потврди дека паузата на финалниот натпревар ќе трае 17 минути. Тоа значи дека прекинот ќе биде само две минути подолг од стандардната 15-минутна пауза предвидена според правилата на играта.

Според информациите што Светската фудбалска федерација им ги доставила на репрезентациите на Шпанија и Аргентина, музичката програма на полувремето ќе трае околу 11 минути, додека преостанатото време ќе биде искористено за поставување и демонтирање на сцената, како и за подготовка на теренот пред почетокот на второто полувреме.

Организаторите најавуваат спектакуларно шоу со настапи на светски музички ѕвезди, меѓу кои Мадона, Шакира и Џастин Бибер, но потенцираат дека забавната програма нема значително да го продолжи вкупното времетраење на натпреварот.

Големото финале меѓу Шпанија и Аргентина е закажано за в недела со почеток во 21 часот.

Се подготвува музички спектакл и за полувремето од четвртфиналето на Светското првенство — еве кој ќе настапи

Големите пожари во Канада го замаглија Њујорк пред мундијалското финале

Финалето помеѓу Аргентина и Шпанија е најскапото во историјата на спортот

Претседателот на Аргентина поради суеверие нема да го гледа финалето во живо