Андерсон Тејлор од Кембриџ, Илиноис, официјално е запишан во Гинисовата книга на рекорди како најмлад музејски кустос во светот.

Овој ученик, кој ги сака диносаурусите, го отвори Природонаучниот музеј во Кембриџ на 10 август 2024 година, кога имаше само девет години и 340 дена. Тој е исто така единствен сопственик и кустос на музејот, пишува „Евроњуз“.

 

View this post on Instagram

 

A post shared by Guinness World Records (@guinnessworldrecords)

Музејот содржи фосили, минерали, артефакти, примероци од природна историја и едукативни експонати.

Во разговор за Гинисовата книга на рекорди, Андерсон објасни што го инспирирало да го отвори својот музеј.

– Кога бев во Шкотска, го посетив Музејот на диносауруси „Стафин“ и тоа ме инспирираше да го создадам овој музеј. Диносаурусите и фосилите ме интересираат целиот мој живот – рекол Андерсон.

Тој додаде дека првиот чекор бил да се најде соодветен простор.

– Прво ја најдов зградата, откако одржав многу предавања во локалната канцеларија овде во градот. Тој простор порано беше противпожарна станица, потоа селска куќа, а сега е музеј. После тоа, луѓето почнаа да ми даваат предмети за изложување, витрини, а околу еден месец подоцна почнавме да добиваме финансиска поддршка- рекло момчето.

Андерсон, кој сега има 11 години, моментално води кампања за собирање средства за купување на зградата во која се наоѓа музејот. Досега, тој веќе собрал 20.000 долари.

Тој исто така откри дека сака еден ден да ја подигне својата љубов кон диносаурусите и фосилите на следно ниво и да стане палеонтолог. Дотогаш, вели тој, ќе мора да биде „задоволен“ со соборувањето на Гинисовиот рекорд.