Финалето помеѓу Аргентина и Шпанија е најскапото во историјата на спортот
Еуфоријата пред финалето на Светското првенство меѓу Шпанија и Аргентина достигнува врв, а со неа растат и цените на билетите, кои ги уриваат сите досегашни рекорди во светот на спортот.
Препорачано
Според францускиот „РМЦ Спорт“, претстојниот меч официјално е најскапото финале во историјата, бидејќи огромниот интерес на навивачите создаде невидена побарувачка за влезници.
За поголемиот дел од љубителите на фудбалот, присуството на стадионот „МетЛајф“ во Њу Џерси ќе остане само желба. Просечната цена на билет на секундарниот пазар во моментов изнесува неверојатни 9.717 евра. Дури и најевтината влезница, која овозможува место во најоддалечените делови од трибините и не вклучува никакви поволности, чини 3.496 евра.
Најголем шок предизвикуваат цените на платформите за препродажба, каде што за поединечни билети се бараат дури 1.748.000 евра, што претставува апсолутен рекорд за еден спортски настан.
Покрај астрономските цени, организаторите се соочуваат и со дополнителен предизвик. Само три дена пред големото финале, Њујорк е зафатен од густ чад предизвикан од шумските пожари во Канада, што отвора прашања за условите во кои ќе се игра натпреварот, како и за безбедноста и престојот на навивачите на отворено.
Сепак, ниту загадениот воздух, ниту рекордните цени на билетите не ја намалуваат возбудата пред спектаклот. Финалната пресметка меѓу Аргентина и Шпанија се очекува да биде еден од најгледаните спортски настани во годината, а оние што ќе бидат на трибините ќе платат суми какви што досега не се забележани за едно финале.
🚨🚨 ESPAGNE 🇪🇸-🇦🇷 ARGENTINE VA DEVENIR LA FINALE LA PLUS CHÈRE DE L’HISTOIRE DU SPORT ! 🤯🤯🤑
Prix moyen d’une place : 9 717€. 😳
Billet le moins cher (hors tarif réduit) : 3 496€. 😭
Sur le site de revente de place, on a pu y trouver quelques billets proposés à 1 748… pic.twitter.com/DLNvSjMhP9
— Actu Foot (@ActuFoot_) July 16, 2026
Стигна потврда: Трамп ќе го гледа финалето на Мундијалот, се очекува и да го додели пехарот
