Гевгелискиот суд му одреди доживотна казна затвор на Петар Станковски од Богданци, кој лани ѕверски ја уби својата мајка додека се расправале за неговото лекување. На обвинетиот му се судеше за кривичното дело „убиство на свиреп начин при семејно насилство“.

40-годишниот Станковски ја призна вината, по што судот ја донесе пресудата. Притворот му е продолжен до правосилноста на пресудата, која е првостепена, соопштија од судот.

Обвинетиот го сторил убиството на 11 јануари годинава во Богданци вечерта околу 21 часот, а следниот ден сам се пријавил во полиција.

„Во станот во Богданци, каде што живееле под закуп, мајката и синот започнале расправија околу лекувањето на обвинетиот. Во еден момент, тој зел нож од кујната, со кој ѝ нанел повеќе убоди на мајката во главата и вратот. Бидејќи ножот се скршил, зел ножици и со нив продолжил да ѝ задава убоди, па откако и тие се свиткале, од кујната зел друг нож за сечење зеленчук со шилест дел, со кој ја прободел во вратот. Од бројните убоди жената искрварила и починала“, пишува во обвинението на ОЈО Гевгелија.

Детали за ужасот во Богданци: Синот-убиец и мајката се расправале за неговото лекување