Основното јавно обвинителство Гевгелија поведе истражна постапка против 39-годишниот жител на Богданци, кој пред два дена на монструозен начин ја уби сопствената мајка, а вчера сам се пријави во полиција.

„Мајката и синот започнале расправија околу неговото лекување. Во еден момент тој зел нож од кујната со кој и нанел повеќе убоди на мајката во главата и вратот. Бидејќи ножот се скршил, зел ножици и со нив продолжил да ѝ задава убоди, па откако и тие се свиткале, од кујната зел друг нож за сечење зеленчук со шилест дел со кој ја пробол во вратот“, пишува во сопштението од Обвинителството.

Од бројните убоди жената искрвавила и починала.

– Бидејќи постојат околности кои го оправдуваат стравот дека осомничениот ќе се даде во бегство или ќе влијае врз сведоците кои ќе бидат испитувани во текот на кривичната постапка, јавниот обвинител предложи да му биде определена мерка притвор – соопшти ОЈО Гевгелија.

Крвав ужас во Богданци: Син ѕверски ја убил мајка си и самиот се пријавил во полиција