Мигрант од Пакистан е пронајден починат во гевгелиското село Мрзенци, соопшти Министерството за внатрешни работи. Според информациите, човекот бил пронајден вчера на местото викано „Мрзенско поле“.

„На 16 јули околу 11:52 часот, мигранти од Пакистан преку мобилен телефон побарале помош, а по пристигнувањето на местото, полициските службеници затекнале тројца мигранти кои не поседувале лични документи, но кажале дека се од Пакистан и едно починато лице, за кое изјавиле дека е на возраст од 36 години и било заедно со нив“ соопшти МВР.

Лекар констатирал смрт кај лицето, без траги на насилство, а по наредба на јавен обвинител, телото на починатиот мигрант е предадено на обдукција.

Мигрантите се пренесени во Прифатниот центар „Винојуг“-Гевгелија.

Почина македонски државјанин во притвор во Валона, доживеал срцев удар