Неколку израелски туристи во саботата биле нападнати во црногорскиот град Будва, при што еден човек бил претепан до бесвест, а друг завршил со скршена вилица, пренесува израелскиот јавен сервис „КАН“.

„Повеќе од десет млади момчиња нè навредуваа, нè удираа со клоци и фрлаа столчиња кон нас“, изјавил еден од нападнатите Израелци.

Според неговите наводи, една жртва се здобила со скршеница на вилицата, а друг човек се онесвестил поради сериозноста на повредите.

Ова е втор ваков инцидент во Црна Гора во краток временски период. На почетокот на месецот, израелските медиуми објавија двајца жители во градот Плав вознемирувале група израелски туристи.

„Правите ли пауза од геноцидот? Не треба да патувате, останете во местото што го нарекувате Израел“, им рекол еден од напаѓачите.

ВИДЕО | Група израелски туристи биле натепани во Банско откако еден од нив почнал да пее