Српските власти разбија криминална мрежа која криумчарела мигранти од Турција преку Бугарија и Србија кон Западна Европа, а меѓу уапсените се и двајца полицајци, објави „Новините“.

Истрагата ја спровела српската Служба за борба против илегална миграција и организиран криминал во рамките на Оперативната работна група на Европол „ИТЕР“, специјализирана група формирана во септември 2023 година за да им помогне на националните власти во сузбивањето на организациите за шверц на мигранти.

Во операцијата биле уапсени петмина осомничени, меѓу кои и наводниот лидер на криминалната мрежа, како и двајца српски полицајци.

Истражителите го идентификувале организаторот како високопозициониран член на поширока меѓународна структура за трговија со мигранти.

Полицијата запленила и три возила за кои се верува дека биле користени за транспорт на мигранти.

При претресите на пет локации биле пронајдени огнено оружје и муниција, уред за радио-комуникација, мобилни телефони, околу 5.700 евра во готовина и дополнителни 40.000 српски динари.

Уапсена организирана криминална група за шверц на мигранти од Грција во Германија

Според истражителите, криминалната група била формирана во 2025 година, а од јануари до јули оваа година организирала префрлање на авганистански мигранти од Турција, преку Бугарија и Србија, а потоа кон нивните крајни дестинации во Западна Европа.

Властите соопштија дека главните членови на организацијата биле српски државјани со седиште во градот Пирот.

Мрежата, наводно, наплаќала околу 1.300 евра по човек за транспорт, сместување и за помош при преминување на зелената граница со однапред договорени ГПС координати.

Најголемиот дел од плаќањата биле извршувани преку неформалниот систем за трансфер на пари „Хавала“, кој, според истражителите, често се користи во меѓународни операции за шверц.

Европол го опиша шверцот на мигранти како една од најзначајните форми на организиран криминал во Европската Унија, нагласувајќи дека борбата против оваа активност бара координирани напори во секоја фаза од криминалниот синџир – од регрутирањето и транспортот на мигрантите до откривањето и прекинувањето на финансиските мрежи што ги поддржуваат овие операции.

Како дел од овие напори, Европол посочи дека во декември бил формиран Европски центар за борба против шверцот на мигранти, со цел зајакнување на размената на информации меѓу земјите членки и подобрување на соработката со агенции како Фронтекс и Евроџаст.

ВИДЕО | Шверцот на мигранти – бизнис вреден 30 милиони евра годишно