ВИДЕО | Единаесет лица загинаа во пожар во дом за згрижување деца во Алжир
Единаесет лица загинаа, а 19 беа повредени во пожар што избувна во дом за згрижување деца во Алжир, главниот град на истоимената земја.
Препорачано
Службата за цивилна заштита соопшти дека пожарникарите ја започнале својата интервенција во 3:30 часот наутро по локално време, јавува Би-би-си.
Повеќе од три часа по почетокот на операцијата, пожарот сè уште се гаснел.
Десет противпожарни возила и 16 амбулантни возила биле испратени на местото на настанот. Властите известија дека пет лица со попреченост добиле медицинска помош и биле префрлени на безбедна локација за време на интервенцијата.
🚨🇩🇿 Tragedy in Algeria
A deadly fire tore through a children’s care home in Algiers, leaving 11 people dead and 19 injured.
🔥 Firefighters deployed 10 fire engines and 16 ambulances as they battled the flames and carried out rescue operations.#Algeria #Fire #sstvi #FRAESP pic.twitter.com/nIVYs94Xo5
— GlobeUpdate (@Globupdate) July 16, 2026
Алжирскиот премиер Сифи Гриб посети две болници во Алжир за да ги види повредените во пожарот. Државните медиуми објавија информација за посетата со фотографија на премиерот покрај дете во болнички кревет.
Информации за возраста на жртвите не се објавени. Инцидентот се случил во време кога Алжир е зафатен од топлотен бран. Според извештајот на новинската агенција АФП, за период од една недела во земјата се забележани речиси 1.000 пожари.
