На лет на „Туркиш ерлајнс“, кој летал за Дизелдорф во Германија, се случил инцидент во кој патник ја удрил стјуардесата откако таа одбила да го премести на друго седиште, објави германски Билд.

Патникот не сакал да седи на своето обележано место, бидејќи до него имало жена. Тој се повикал на шеријатскиот закон и побарал друго седиште, но стјуардесата одбила да го премести.

Во тој момент, според сведоците, мажот ја удрил стјуардесата.

Веднаш по слетувањето на авионот на аеродромот во Дизелдорф, полицијата била повикана по пријава за напад. Федералната полиција во Германија спроведува детална истрага, а мажот признал дека ја удрил стјуардесата.

Инцидентот се случил на 1 јули годинава, а осомничениот е 29-годишен Германец со турско потекло.