Ужасно убиство се случило вчеравечер во Богданци – 39-годишен жител на градот со, како што вели МВР, „остри предмети“ ја убил сопствената мајка, по што утрово самиот дошол во полициска станица и се предал, соопшти МВР.

„На 12.01.2026 во Полициската канцеларија Богданци, полициски службеници од СВР Струмица-ОВР Гевгелија го лишија од слобода П.С.(39) од Богданци. На 11.01.2026 околу 21:00 часот во стан во кој престојувале дошло до расправија помеѓу П.С. и неговата мајка М.С.(58) од Богданци, која преминала во физичка пресметка во која П.С. со остри предмети и нанел убодни рани на М.С. во пределот на главата. Од здобиените повреди М.С. починала, а смртта е констатирана и од лекар од Итна медицинска помош Гевгелија. На 12.01.2026 година во 07:05 часот во Полициската канцеларија Богданци П.С. сам го пријавил делото. Увид на местото изврши јавен обвинител од Основното јавно обвинителство Гевгелија и екипа од ОВР Гевгелија“, велат од МВР.

Обвинител наредил телото на убиената жена да се даде на обдукција, а синот ќе одговара за убиство, додаваат од полицијата.