На подрачјето на Бит Пазар вчера полициски службеници од Единицата за интервентна полиција при СВР Скопје ги лишиле од слобода С.Б. (21) и Е.А. (33), двајцата од Скопје.

При претреси во нивните домови, извршени од страна на полициски службеници од Единицата за недозволена трговија при СВР Скопје, со судска наредба биле пронајдени и одземени 58 кесички со бела прашкаста материја и дигитална вага.

Истиот ден, во селото Сарај, скопско, бил лишен од слобода и М.А. (40) од селото Радуша. При претрес во неговиот дом, исто така по судска наредба, биле пронајдени и одземени пиштол „глок“ калибар 9 милиметри, една рамка и 13 куршуми.

Од МВР информираат дека по целосно документирање на случаите ќе бидат поднесени соодветни пријави.