Енцо во 2016 го молеше Меси да не се пензионира од репрезентацијата, 10 години подоцна заедно ја однесоа Аргентина до мундијалско финале
Понекогаш фудбалот пишува приказни кои изгледаат како да се од филмско сценарио. Една порака од непознато 15-годишно момче, една болна ноќ за Лионел Меси и една деценија подоцна – истото момче 10 години подоцна по асистенција на својот идол ја однесе Аргентина до ново финале на Светското првенство.
Препорачано
-
1
-
2
-
3
Енцо Фернандез некогаш беше само еден од милионите навивачи на Аргентина кои не можеа да го замислат националниот тим без Лионел Меси. Во 2016 година, по поразот во финалето на Копа Америка против Чиле, кога Меси промаши пенал во серијата и најави повлекување од репрезентацијата, цела Аргентина беше во шок.
Во тој период, Меси веќе беше фудбалска икона. Имаше освоено речиси сè со Барселона, беше повеќекратен освојувач на „Златната топка“ и го одведе националниот тим до финале на Светското првенство и две финалиња на Копа Америка. Но, во Аргентина сè уште му недостасуваше најважниот аргумент – трофејот со репрезентацијата.
Аргентинците не дозволија да биде споредуван со легенда како Диего Армандо Марадона, бидејќи според нив – тој не игра за репрезентацијата како што игра за клубот.
„Завршив со репрезентацијата. Неверојатно чувство е, но едноставно не ми функционира“, ќе рече тогаш разочараниот Меси.
Тогаш младиот Фернандез му упати емотивна порака на својот идол, барајќи од него да не се откажува од дресот на „гаучосите“. Години подоцна, животот му даде можност не само да го гледа Меси, туку и да игра покрај него.
ВИДЕО | Винчиќ се расплака кога дозна дека ќе го суди финалето на Мундијалот
„Отсекогаш сонував да играм со него. Дури и како дете броев дали е можно тоа да се случи“, призна Фернандез.
А токму тој сон стана реалност. Во полуфиналето против Англија, Фернандез постигна клучен гол по асистенција на Меси и ја одведе Аргентина во финалето на Светското првенство 2026 година.
Десет години откако го молеше да остане, денес стои рамо до рамо со најголемиот аргентински фудбалер во историјата. Заедно веќе освоија Светско првенство и две Копа Америка, а во недела ќе имаат нова шанса да ја продолжат златната ера на „албиселесте“.
Меси некогаш го носеше товарот на цела нација сам. Денес околу него има генерација која порасна со желба да се бори за него. Фернандез е еден од нив – момчето кое некогаш му пишуваше на својот идол, а денес му помага да создава нови историски моменти.
Лаутаро во солзи по херојскиот гол против Англија: „Го сонував ова“
