Лаутаро во солзи по херојскиот гол против Англија: „Го сонував ова“
Капитенот на Интер, Лаутаро Мартинез, не можеше да ги задржи емоциите по победничкиот гол за Аргентина во полуфиналето на Светското првенство против Англија. Напаѓачот се расплака за време на интервјуто веднаш по натпреварот, признавајќи дека со години сонувал за ваков момент.
Препорачано
-
1
-
2
-
3
Најдобриот стрелец во Серија А за сезоната 2025/26 го постигна победничкиот погодок во триумфот на Аргентина од 2-1 над Англија, со што ги однесе „гаучосите“ во финалето, каде што ќе се соочат со Шпанија. Ова беше неговиот 40-ти гол во кариерата за Аргентина, со што се доближи на само еден гол до Серхио Агуеро.
😢 Estos 30 segundos de Lautaro demuestran por qué el fútbol va mucho más allá del campo.
”Desde que mi viejo me compró unos botines, siempre soñé con hacer este gol”#FIFAWorldCup #MundialRTVE pic.twitter.com/OY67pAAcmY
— Teledeporte (@teledeporte) July 15, 2026
„Не знам, навистина…“, започна Лаутаро, а потоа мораше да прекине бидејќи беше совладан од емоциите.
„Ова е нешто неверојатно, навистина. Отсекогаш сонував да го постигнам овој гол, уште од денот кога татко ми ми ги купи првите копачки.“
По кратка пауза, Лаутаро продолжи со уште поемотивна порака:
„За мајка ми, која никогаш не престана да ми го мести креветот кога заминав во Расинг. Тоа за мене значи повеќе од еден гол или од едно финале.“
Потоа им се заблагодари и на своите деца:
„На моите деца, кои ми го променија животот. Тие ме научија да забавам и да уживам во сè што ми се случува. Сега сум зрел човек. Уживам во животот.“
Аргентинскиот напаѓач откри дека уште пред натпреварот им најавил на соиграчите дека ќе биде херојот.
„Го сонував ова, се колнам. Му реков на Алексис (Мек Алистер) дека ќе постигнам гол, а на Факундо Медина дека ќе влезам во игра и ќе го добијам натпреварот.“
За претстојното финале против Шпанија, Лаутаро имаше само пофални зборови:
„Ќе играме против противник со огромен квалитет, кој е непоразен на 37 натпревари и има извонредни фудбалери. Сега е време да се одмориме и да собереме што е можно повеќе позитивна енергија.“
ФОТО | Меси го држел во раце кога бил бебе, а сега ќе се сретнат во финалето на Мундијалот
