Арсенал договори големо засилување — Христос Цолис пристигнува од Клуб Бриж
Арсенал постигна договор со Клуб Бриж за трансферот на грчкиот крилен напаѓач Христос Цолис, објави угледниот новинар Дејвид Орнштајн.
Препорачано
-
1
-
2
-
3
Откако ја прекина 22-годишната „суша“ без титула во Премиер лигата, Арсенал се подготвува за активно лето на трансфер- пазарот со цел да му обезбеди на Микел Артета уште поконкурентен тим за одбраната на шампионската круна.
🚨 Arsenal reach agreement with Club Brugge to sign Christos Tzolis. Deal for 24yo left winger done at €40m asking price set by #ClubBrugge. Move in process of being finalised – Greece international wanted & prioritised #AFC move throughout @TheAthleticFC https://t.co/iYMBAjVc3k
— David Ornstein (@David_Ornstein) July 16, 2026
Минатата сезона, Леандро Тросар, Габриел Мартинели и Нони Мадуеке беа главните опции на левото крило, но заедно постигнаа само 10 голови во Премиер лигата. Во клубот сметаат дека е потребно засилување на оваа позиција за да се зголеми офанзивниот учинок и во домашните и во европските натпреварувања.
Во меѓувреме, Тросар, кој минатата сезона учествуваше во 12 голови во лигата, го напушти клубот и се пресели во Бешикташ. Иднината на Мартинели сè уште е неизвесна, додека настапите на Мадуеке, особено на Светското првенство, не ги оправдаа очекувањата.
Поради тоа, Арсенал започна потрага по ново лево крило, а Цолис беше една од главните желби.
Според информациите, Арсенал ја прифатил цената од 33 милиони фунти што ја бараше белгискиот клуб за 24-годишниот грчки репрезентативец, кој бил решен да се пресели во редовите на англискиот шампион.
Фабрицио Романо открива дека целата документација веќе е потпишана, а Клуб Бриж му дал дозвола на Цолис да ги изврши задолжителните лекарски прегледи пред официјално да стане нов фудбалер на Арсенал.
🚨🔴⚪️ Christos Tzolis to Arsenal, here we go! Deal signed between the two clubs for €40m fee, Club Brugge authorize Christos for medical.
New winger for Arteta as Tzolis only wanted Arsenal, saying no to other clubs. Deal done, as @dimitrismanakos reported.
👀 #AFC also… pic.twitter.com/gW4vNwruGq
— Fabrizio Romano (@FabrizioRomano) July 16, 2026
Цолис имаше извонредна сезона во дресот на Клуб Бриж, постигнувајќи 22 гола и 29 асистенции во сите натпреварувања.
Доколку трансферот биде официјализиран во наредните денови, грчкиот офанзивец ќе стане второто засилување на Арсенал ова лето, по голманот Илан Мелие, кој пристигна како слободен агент од Лидс јунајтед.
Воедно, „топчиите“ неодамна го потврдија и постојаниот трансфер на дефанзивецот Пјеро Инкапие од Баер Леверкузен, откако ја активираа клаузулата за откуп од неговата претходна позајмица.
Емотивниот Скалони испрати моќна порака: „Ние не сме арогантни, ние играме со срце!“
