Македонската машка младинска ракометна репрезентација оствари убедлива победа над Турција во разигрувањето за пласман на Европското првенство во Романија.

Нашите младинци кои имаа предност од 20:11 по првото полувреме, на крајот славеа со висок резултат (41:24) во Клуж-Напока.

Мики Лазов беше прв стрелец со девет голови во победничките редови, следен од Бобан Поповски со шест.

На спротивната страна најефикасен беше Шахин Кадир Аајилдиз со пет погодоци.

Македонската репрезентација ќе разигрува за пласман од 17 до 20 место на шампионатот.

Нов ривал на избраниците на селекторот Игор Илиевски в петок ќе биде селекцијата на Полска.