Почина мајката на Крис Џенер на 91-годишна возраст: „Нема зборови што можат да опишат колку боли“
Мери Џо „Ем-Џеј“ Шенон, мајката на Крис Џенер и баба на сестрите Кардашијан-Џенер, почина денеска на 91-годишна возраст.
Препорачано
-
1
-
2
-
3
Тажната вест ја соопшти Крис Џенер преку Инстаграм, каде што се прости од својата мајка со емотивна порака.
„Денес се простивме од мојата прекрасна мајка Ем-Џеј. Нема зборови што можат да опишат колку ми значеше или колку боли ова збогување. Таа беше срцето на нашето семејство. Ме научи дека семејството е најважно, дека треба безусловно да сакаме и никогаш да не земаме ниту еден заеднички момент здраво за готово“, напиша Џенер.
Таа додаде дека секогаш ќе ѝ недостигаат нивните секојдневни разговори, насмевката и смеата на нејзината мајка.
View this post on Instagram
Мери Џо Шенон им беше добро позната на гледачите на реалното шоу „Во чекор со семејството Кардашијан“ (Keeping Up With the Kardashians), каде што редовно се појавуваше заедно со своето славно семејство. Во 1980 година ја основала детската продавница „Шенон енд Ко“ во Сан Диего.
Крис Џенер имала седум години кога нејзините родители се развеле. Неколку години подоцна, нејзината мајка се омажила за бизнисменот Хари Шенон, со кого била во брак четири децении, сè до неговата смрт во сообраќајна несреќа во 2003 година.
