Додека Хари Кејн ја предводи англиската репрезентација на Светското првенство во 2026 година, покрај него е неговата најголема поддршка – сопругата Кејти Кејн, пишува „Пипл“.

Напаѓачот на Баерн Минхен зад себе има успешна сезона. Во мај, откако германскиот клуб ја освои шампионската титула, Кејн објави фотографии на кои Кејти (родена Гудланд) и нивните четири деца слават со него на теренот. Тоа беше при крајот на нивната втора година во Германија, каде што семејството живее откако Хари во 2023 година се пресели од Тотенхем.

Хари и Кејти се заедно уште од училишните денови во источен Лондон. Таа е покрај него во секоја фаза од неговата кариера – од првата сезона во Премиер лигата до денешните успеси во Минхен.

Љубов што започнала во детството

Хари и Кејти се познаваат уште од детството. Иако не е познато кога нивното пријателство прераснало во љубовна врска, двајцата заедно биле на матурската вечер. Кејти во 2014 година на Инстаграм објави фотографија од тој период.

По завршувањето на средното образование, таа дипломирала спортски науки.

Во 2021 година Кејти се потсети на нивните почетоци.

„Ти се смеев кога почнавме да се гледаме. Доаѓаше кај мене дома и шутираше пенали со брат ми Том и кучето Шејмус, а ми велеше дека еден ден ќе бидеш капитен на Англија“, напиша таа.

Се венчаа во 2019 година

Хари ја запроси Кејти во летото 2017 година, за време на одмор на Бахамите. Тој клекна на едно колено на плажа, а потоа на Инстаграм ја сподели фотографијата од запросувањето со зборовите:

Две години подоцна, на 19 јуни 2019 година, двојката стапи во брак.

„Конечно се оженив со мојата најдобра пријателка“, напиша тогаш Кејн.

Еден месец по свадбата, Кејти ја одбележа оваа пресвртница со емотивна објава.

„Пред еден месец се омажив за мојата сродна душа – еден од најубавите денови во мојот живот. Ти благодарам што ми ги исполни сите соништа. Совршен си“, напиша таа.

Родители на четири деца

Хари и Кејти се родители на четири деца. Нивната најстара ќерка Ајви е родена во јануари 2017 година, Вивијен Џејн во август 2018 година, а синовите Луис и Хенри во декември 2020 и август 2023 година.

Во 2021 година Кејти зборуваше за своето искуство со хипнопородување, објаснувајќи дека овој метод им помага на идните мајки подобро да ја разберат бременоста и сопственото тело, како и да се подготват за мирно и самоуверено породување. Таа додаде дека токму овој пристап им помогнал и нејзе и на Хари да се чувствуваат подготвени и сигурни.

Двојката повремено споделува фотографии од своите деца како го бодрат Хари од трибините или му се придружуваат на теренот по натпреварите.

Најголемата поддршка во неговата кариера

Кејти е покрај својот сопруг во текот на целата негова професионална кариера и често објавува фотографии од натпреварите на кои го бодри.

Во 2023 година, трансферот на Хари во Баерн Минхен го пресели целото семејство во Германија.

„Откако се преселивме во Минхен, навистина уживаме во културата и традициите на клубот и на Баварија. Сите направија да се чувствуваме како дома“, напиша Кејти на Инстаграм во 2024 година.

Кејн пред битката со Меси: „Тој е најдобриот фудбалер во последните 20 години“