ФОТО | Оземпик ја „проголтал“ Шарлиз Терон? Холивудската ѕвезда одлично одговори на навредите за изгледот
Холивудската ѕвезда Шарлиз Терон (50) на духовит начин одговори на коментарите за својот изглед, откако фотографиите од премиерата на новиот филм „Одисеја“ предизвикаа лавина реакции на социјалните мрежи.
Препорачано
View this post on Instagram
Оскаровката одлучила да се пошегува на сметка на бројните коментари за нејзината тежина, откако некои следбеници изразија загриженост за нејзиниот наводно „премногу слаб“ изглед.
Терон објавила на Инстаграм фотографии од вечера од њујоршкиот јапонски ресторан „Тамаџура“, каде што уживала во традиционалните јадења.
Во објавата биле прикажани снимки од различни видови суши со лосос и леплив ориз, како и чинија супа од печурки.
Шарлиз ја завршила објавата со фотографија од топка сладолед украсена со боровинки и јагоди, заедно со шеговит коментар.
View this post on Instagram
„Ми рековте да јадам… Ви благодарам за најдобриот оброк во Њујорк.“
Нејзината реакција следувала неколку дена по појавувањето на премиерата на филмот „Одисеја“ на Кристофер Нолан во Париз, кога бројни обожаватели го коментирале нејзиниот изглед.
Една објава на социјалната мрежа Икс, со снимка од Шарлиз, предизвикала големо внимание, со коментар дека актерката ја „проголтал Оземпик“.
View this post on Instagram
Видеото собрало повеќе од шест милиони прегледи, а реакциите на корисниците биле поделени. Додека некои изразиле загриженост за нејзиното здравје, други се шегувале за нејзиниот изглед.
Еден корисник напишал: „Прекрасна е кога има малку повеќе килограми. Се надевам дека се чувствува добро“.
Друг додал: „Мислам дека целиот Холивуд полуде“.
Терон досега постојано се соочуваше со промени во телесната тежина поради филмските улоги, а позната е по тоа што во текот на кариерата честопати физички се трансформираше за потребите на разни проекти.
ФОТО | Шарлиз Терон ги „запали“ социјалните мрежи со топлес фотографија пред премиерата на „Одисеја“
