Захара и Медокс, две од шесте деца на Анџелина Џоли и Бред Пит, објавија огласи во весниците како дел од правен процес во Калифорнија за официјално отстранување на презимето на нивниот татко.

Судските документи до кои дојде „Пејџ сикс“ покажуваат дека Захара, 21-годишната ќерка на поранешниот пар, го објавила своето барање во весникот за правни работи на „Лос Анџелес дејли џурнал“ еднаш неделно во текот на четири последователни недели, на 16, 23 и 30 јуни и на 7 јули. Во огласот, исто така, се наведува дека секој што се спротивставува на промената може да поднесе писмен приговор пред последното рочиште.

Рочиште е закажано за 28 септември, каде што судијата треба да одлучи за нејзиното барање. Доколку нема приговори, барањето може да биде одобрено. Според претходните извештаи, минатиот месец Захара официјално побарала да се користи името Захара Џоли наместо презимето Џоли-Пит, а веќе во мај на церемонијата по повод дипломирањето на колеџот Спелман, таа беше претставена како Захара Марли Џоли.

И Медокс, 24-годишниот син на Анџелина Џоли и Бред Пит, го објави своето барање во истиот весник на 10, 17 и 24 јуни и на 1 јули. Во документите се вели дека тој побарал промена на името од Медокс Чиван Џоли-Пит во Медокс Чиван Џоли во мај, опишувајќи ги причините како „лични“.

Јавното објавување на барањето во правниот весник е еден од потребните чекори за законска промена на името во Калифорнија.

Претходно беше објавено дека Шајло е првото од нивните деца кое формално го отстранило Пит од своето презиме, додека Вивиен настапувала на Бродвеј под името Вивиен Џоли. Поранешните сопружници имаат шест деца: Медокс, Пакс, Захара, Шајло, Нокс и Вивиен.

Бред Пит ги поминува празниците со девојката: „Децата се оддалечија од него и го променија презимето“