Расчистен е случајот со насилството врз малолетничка во Куманово и поднесена е кривична пријава против 18-годишна девојка и две малолетнички, информираат од МВР.

СВР Куманово поднесе кривична пријава против П.А. (18) од село Лојане, општина Липково, како и против две малолетнички на возраст од 14 и 15 години од Куманово, поради постоење основи на сомнение дека сториле кривично дело „насилство“ по член 386 став 3 од Кривичниот законик. Пријавените на 13 март 2026 околу 18 часот, повикале 14-годишно девојче да излезе од нејзиниот дом, по што ја убедиле да влезе во просторија во близина на спортскиот центар „Соколана“ во Куманово. Таму најпрвин ја навредувале, а потоа и физички ја нападнале, при што целиот настан го снимале со мобилен телефон. По извршеното насилство, осомничените ѝ се заканиле на малолетничката да не го пријавува настанот и да не зборува за снименото видео, заканувајќи ѝ се дека во спротивно ќе ѝ се случи нешто уште полошо, информираше МВР.

Но, девојчето четири месеци подоцна се охрабрило да отиде во полициска станица, гледајќи дека има сличен случај и во населбата Аеродром во Скопје, каде што исто така девојче беше тепано, понижувано и навредувано од група која снимаше.

Ново вознемирувачко видео од меѓуврсничко насилство, сега во Куманово: девојче опколено во ќош и удирано со шлаканици и клоци