Еден индиски член на екипажот загинал, а осуммина други биле повредени кога два емиратски танкери со нафта биле погодени од ирански крстосувачки ракети во Ормускиот Теснец, објави „Ројтерс“.

Министерството за одбрана на Обединетите Арапски Емирати утрово соопшти дека танкерите „Момбаса“ и „Ал Бахија“ биле цел на напад во јужниот дел од теснецот, додека се наоѓале во територијалните води на Оман.

Загинатиот член на екипажот бил на бродот „Момбаса“, наведоа властите.

Од осумте повредени, четворица се здобиле со тешки повреди.

STRAIT OF HORMUZ BLOCKADE BACK, AND AN INDIAN SAILOR IS DEAD

One Indian crew member killed and six others wounded when Iranian missiles hit two Emirati oil tankers in the Strait of Hormuz, the UAE said

Attack came as the US struck Iran for a third straight night and President… pic.twitter.com/DbtUGHz572

— Nabila Jamal (@nabilajamal_) July 14, 2026

Шестмина од повредените се индиски државјани, а двајца се украински државјани, соопшти министерството.

Нападите предизвикале материјална штета на двата танкера откако на нив избувнале пожари. Министерството соопшти дека пожарите биле ставени под контрола.

Властите го осудија, како што го нарекоа, „отворен напад“ и порачаа дека ОАЕ го задржуваат „целосното право да одговорат на оваа ескалација“.

Иранската Револуционерна гарда (ИРГЦ соопшти дека два „непријателски“ супертанкери биле погодени и онеспособени во Ормускиот Теснец, откако ги игнорирале повеќекратните предупредувања, ги исклучиле навигациските системи и се обиделе да поминат низ, како што тврдеше гардата, миниран коридор.

Yesterday, using multiple one-way attack surface drones, CENTCOM forces successfully struck a submarine and ship maintenance facility in Iran. Three Corsair unmanned surface vessels hit the port at Bandar Abbas Naval Base, marking the first time American forces have employed sea… pic.twitter.com/bOM2kmgRxz

— U.S. Central Command (@CENTCOM) July 13, 2026

Во соопштението на ИРГЦ не се наведени имињата на бродовите, ниту е потврдено дали станува збор за истите танкери што ги спомена Министерството за одбрана на ОАЕ.

Иранската гарда ги обвини САД дека „ги поттикнуваат бродовите да користат нелегален коридор“ и порача дека соработката со „агресорскиот непријател“ ќе доведе само до штети, одложување на повторното отворање на Ормускиот Теснец и глобална енергетска криза.

Најновите инциденти во овој воден пат се случуваат по неколкунеделни зголемени тензии откако војната започна на 28 февруари, кога САД и Израел започнаа напади врз Иран.

Американската војска синоќа изврши трета последователна ноќ на напади врз Иран, додека претседателот Доналд Трамп повторно воведе блокада на иранскиот поморски сообраќај и предложи воведување такса од 20 отсто за обезбедување на Ормускиот Теснец.

Врховната иранска воена команда соопшти дека САД немаат улога во одредувањето на иднината на теснецот и дека нема да им биде дозволено да интервенираат.

Иранците погодија брод и го затворија Ормускиот Теснец — САД возвратија со удар