Финалето на Светското првенство во Њујорк, во кое за светската титула ќе се борат Аргентина и Шпанија, ќе привлече голем број светски лидери и познати личности во ВИП ложите на стадионот „МетЛајф“. Сепак, меѓу нив нема да биде аргентинскиот претседател Хавиер Милеј.

Милеј официјално потврди дека нема да отпатува во САД за да го следи натпреварот во живо, а причината што ја наведе е необична за еден државник – суеверието.

Познат по своите неконвенционални ставови, аргентинскиот претседател истакна дека не сака да ги менува ритуалите кои, според него, ѝ носат среќа на аргентинската репрезентација.

„Ќе одам ли на натпреварот? Апсолутно не! Финалето ќе го гледам во претседателската резиденција Оливос, заедно со сестра ми, исто како што ги следев сите натпревари од почетокот на турнирот. Тоа е чисто суеверие“, изјави Милеј.

Во Аргентина, каде што фудбалот има речиси култен статус, суеверијата и ритуалите поврзани со натпреварите се длабоко вкоренети. Многумина веруваат дека победничката традиција не смее да се наруши, ниту да се смени местото од кое се следат натпреварите, за да не се „испровоцира“ лоша среќа.

Додека погледите на светската јавност ќе бидат вперени кон спектаклот на „МетЛајф“, Милеј ќе остане во својата резиденција, надевајќи се дека токму неговото придржување до ритуалот ќе ѝ донесе на Аргентина, предводена од Лионел Меси, уште една светска титула.

🚨 Javier Milei 🇦🇷, le président de l’Argentine, annonce qu’il n’assistera pas à la finale de la Coupe du monde à New York… PAR SUPERSTITION ! 😅

🗣️ « Si j’irai au match ? ABSOLUMENT PAS !

Je regarderai le match dans ma résidence d’Olivos avec ma sœur, comme je le fais depuis… pic.twitter.com/6QwUuIyOng

— Actu Foot (@ActuFoot_) July 16, 2026

Лаутаро во солзи по херојскиот гол против Англија: „Го сонував ова“