Големите пожари во Канада го замаглија Њујорк пред мундијалското финале
Додека фудбалскиот свет го очекува големото финале на Светското првенство меѓу Шпанија и Аргентина, Њујорк се соочи со необична слика. Градот се разбуди под густ облак од магла и чад предизвикан од пожарите во Канада, што отвори прашања за условите во кои ќе се одигра најочекуваниот натпревар во годината.
Препорачано
Засега нема најави дека финалето на стадионот „МетЛајф“ ќе биде одложено, а ниту ФИФА не разгледува таква можност. Сепак, американските власти издадоа предупредувања поради намалениот квалитет на воздухот и препорачаа ограничена физичка активност и дополнителна претпазливост.
Клучен фактор ќе биде индексот на квалитет на воздухот (AQI), кој ја мери концентрацијата на штетни честички во атмосферата. Неговите вредности можат значително да се променат во краток период, зависно од временските услови.
ВИДЕО | Страшни пожари во Канада: густ чад го обои небото портокалово, воз остана опкружен со пламен
Добрата вест е што натпреварот е закажан за недела, а прогнозите најавуваат дожд и пониски температури во сабота, што би можело да помогне во расчистување на воздухот над Њујорк.
Шпанската репрезентација веќе одржа тренинг во вакви услови, но поради ограничениот пристап на новинарите не беше можно да се процени колку загадувањето влијаело врз играчите.
Експертите предупредуваат дека ситуацијата не треба да се потцени. Докторката Кортни Хауард, претставник на Глобалната алијанса за клима и здравје, посочи дека врвните спортисти се особено изложени бидејќи при напор вдишуваат големи количини воздух.
„Ова се елитни спортисти кои минуваат огромни количини воздух низ белите дробови. Не треба да тренираат на отворено кога квалитетот на воздухот достигнува опасни нивоа“, изјави Хауард.
Во моментов, фокусот останува на теренот и пресметката меѓу Шпанија и Аргентина, но условите во Њујорк ќе бидат внимателно следени до самиот почеток на финалето.
Лаутаро во солзи по херојскиот гол против Англија: „Го сонував ова“
