Најдобрата македонска тенисерка Лина Ѓорческа доживеа пораз на стартот на турнирот што се одржува во Палермо, Италија.

Денеска нашата тенисерка, која е рангирана на 214 место на ВТА листата, загуби во првото коло од Ерика Андреева со 2:0 во сетови.

Андреева беше убедлива на овој меч на патот до победата, го доби првиот сет со 6:2, а во вториот Ѓорческа не успеа да освои ниту еден гем (6:0).

Во следната фаза од турнирот, Андреева ќе игра со победничката од дуелот меѓу Фиона Феро од Франција и Јуфеи Рен од Кина.

Ѓорческа и минатиот понеделник рано го заврши својот настап на уште еден италијански турнир во Рим кога загуби од домашната натпреварувачка Дебора Киеза.