Покрената е истрагата за аферата која британското кралско семејство и целиот кралски престол го потресе уште пред неколку години, а во која од владата во Велс во јавност излезе протоколот наменет во случај кралицата Елизабета да почине, пренесува Sky News.

Операција Лондонски мост

Протоколот го носи името „Операција Лондонски мост“, а содржи бројни информации, како точното време во кое ќе се објави смртта на кралицата и детали за погребот. Утврдена е и точна процедура според која новиот монарх ќе ги посетува земјите кои се уште се под кралската круна, но и начинот на кој, на пример, Канада и Нов Зеланд на јавноста службено ќе и ја соопштат оваа вест.

Кодот за смртта на кралицата ќе биде „Лондонскиот мост е спуштен“(London Bridge is down).

„Службено и доверливо“

Податоците кои протекоа во јавноста , според зборовите на секретарот на велшката влада Ендрју Гудал, се службени и доверливи. Тој напомена и дека велшката влада целата ситуација ја сфаќа како исклучително сериозна и дека ја третира како кршење на безбедносните правила.

Информациите кои протекоа наводно случајно биле испратени до еден поранешен вработен во владата.