Драматичен инцидент се случил на имотот на Бијонсе и Џеј-Зи во Ист Хемптон, Њујорк, откако 63-годишен маж со голема брзина влетал со автомобил во влезната капија на нивната луксузна вила.

Според полицискиот извештај, до кој дошол Ти-ем-зи, возачот со голема брзина се движел по патеката што води до куќата и директно удрил во автоматската капија, при што била предизвикана значителна материјална штета.

Полицијата соопштила дека мажот воопшто не закочил пред ударот. Автомобилот бил одземен, а возачот бил уапсен и пренесен во болницата „Стони Брук“ поради болки.

Детективката Џенифер Дан, која била меѓу полицајците што интервенирале, за „Пејџ сикс“ изјавила дека мажот делувал збунето.

„Не упати никакви закани, ниту ги спомна имињата на жителите на куќата. Можно е случајно да го избрал токму тој имот, доколку навистина имал здравствен проблем“, рекла Дан.

Таа додала дека непосредно пред инцидентот мажот застанал и пред друга куќа во близина, барајќи жена која воопшто не живеела таму.

Против него се поднесени обвиненија за кривично дело предизвикување материјална штета и прекршок поради неовластено влегување на туѓ имот.

Засега не е познато дали Бијонсе и Џеј-Зи биле во домот во моментот на инцидентот.

ВИДЕО | Мажот што ѝ украде необјавена музика и лични предмети на Бијонсе осуден на две години затвор