НОСЕТЕ ГИ БЕЗГРИЖНО! Еве како да ги спречите проблемите со кожата на лицето поради носењето маска на високи температури
Вашата кожа на лицето може да остане здрава дури и ако носите заштитна маска на високи температури.
Заштитните маски сега се наше секојдневие и нешто без кое не смееме да ја напуштиме куќата и секако да влеземе во затворен простор со други лица или пак во толпа на отворен простор.
Многумина се загрижени за тоа дека маската ќе им ја уништи кожата на лицето, а со оглед на високите летни температури, овие мали правила можат да ви бидат многу корисни.
Користете хидрантен крем
За да спречите појава на осип и, воопшто, иритација, создадете корисна и здрава бариера помеѓу кожата и маската со задолжително нанесување на некое средство за хидратација на лицето.
Редовно перете ја маската
Ако носите заштитна маска за повеќекратна употреба, најважно е да ја перете после секоја употреба! На овој начин вашата кожа нема да биде во контакт со бактерии и вируси, а имајте на ум дека испотената и влажна кожа е многу погодна почва за микроби. Во зависност од материјалот, перете ги на температура од најмалку 40 степени.
Не заборавајте го заштитниот фактор
И покрај фактот дека заштитната маска покрива повеќе од половина од лицето, таа не е челична бариера што спречува УВ зраците да навлезат до кожата. Затоа, ако излегувате на сончев ден, корисно е да користите крем со заштитен фактор, односно да го нанесете дури и на делот од лицето што ја крие маската.