Некогаш ги масираше стапалата на славната богаташка, а денес е една од највлијателните жени во светот и заработува милиони
Најпознатата старлета во светот вчера наполни 40 години, а по тој повод доби честитки од своите следбеници ширум светот. Тешко е да се верува колку животот на Ким се променил во последните години, таа од обична помошничка на славната и богата наследничка Парис Хилтон, се издигна во најпознатата и најпребарувана личност во светот на шоубизнисот. Таа исто така важи и за една од највлијателните жени во светот.
Пред 15 години Ким Кардашијан била толку „небитна“ помошничка и асистентка на тогаш мегапопуларната Парис Хилтон.
Таа се грижела Парис да биде во најдоброто можно издание, се грижела за изгледот на нејзината коса, нокти, лице, облека, настаните на кои ќе се појави и сл, односно била една од нејзините асистенки кои и помагале на Парис Хилтон да блеска.
Имено, денес на многумина им е тешко да замислат дека Ким тогаш дури и ги масирала стапалата на размазената богаташка, за што сведочат и фотографии од тоа време.
Старлетата тогаш сите ја познавале како „слугинката“ на Парис Хилтон.
Сепак, работите се промениле, па Кардашијан во моментот е многу поголема ѕвезда од нејзината поранешна шефица.
Парис Хилтон редовно и честита за нејзиниот успех, а често и се дружи со неа.
Ким денес има богатство од околу 800 милиони долари. Таа е сега една од најмоќните жени во Холивуд. Се што таа ќе облече од утре станува тренд, а за само една спонзорирана објава на Инстаграм обива дури 858 илјади долари, пренесуваат светските медиуми.
Среќен роденден Ким!