Жителите на селото Шипковица, на Шар Планина, се будат во страв од отворените гробови. Очевидци велат дека виделе мечка која што ги отвара гробовите, воглавно ноќе и се храни со останките од покојните.

Случајот се повторил неколку пати, а жителите се загрижени дека оваа гладна мечка може да заврши и во селото напаѓајќи ги жителите на Шипковица.

Тие итно бараат помош за да бидат преземени мерки со мечката, поради која жителите во утринските часови се соочуваат со отворени гробови и коски расфрлани низ гробиштата. За случајот е известен и Секторот за внатрешни работи во Тетово, од каде за Алсат велат дека било информирано Министерството за земјоделство и се очекува одлука.