„Знаев дека таа е таму. Ја барав со погледот“, се присети во една прилика починатата „принцеза на срцата“ Дијана, која искрено проговори за овој непријатен момент.

Тој 29-ти јули 1981 година во Катедралата Свети Павле Лејди Дијана Спенсер се заколна на вечна љубов со престолонаследникот на британскиот трон, принцот Чарлс пред очите на целиот свет – кралското семејство угости дури 3.500 лица, додека ширум светот преносот го следеа околу 750 милиони луѓе. Сепак, малку е познато дека на само неколку метри зад младенците стоела Камила Паркер Боулс, долгогодишната љубовница на принцот, со која продолжи да се гледа и за време на бракот со Дијана, а денес по смртта на Дијана, тој е венчан со Камила.

Пред да ја запроси, принцот Чарлс на Дијана за Камила и говорел како за своја пријателка. Дури подоцна таа ја дознала вистинската природа на неговиот однос со сопругата на официрот на британската војска Ендру Паркер Боулс.

Сопругот на Камила, инаку, како командант на коњаничкиот вод, имал улога во организацијата на овој посебен ден, тој ги надгедувал службениците кои ги штителе Чарлс и Дијана додека тие се возеле во кочијата низ Лондон, па така таа сама била на венчавката на векот.

За познавачите на настаните од ваков тип, било многу изненадувачки како таа добила толку добро место, таа седела само неколку редови зад родените сестри на Дијана.

Во интервјуто кое Лејди Ди го дала во 1991 година, десет години подоцна, таа истакнала дека била свесна дека во Катедралата ќе ја види Камила и дека всушност постојано ја барала со погледот.

– Нормално, знаев дека е тука. Ја барав со погледот. Додека одев кон олтарот, ја забележав со светло-сив шешир и вел на главата. Видов се, нејзиниот син Том како стои на столчето. До денес, знаете, тоа ми е останато во главата, се присети Дијана тогаш.

Но, сепак, на дрскоста на Камила и немало крај, таа освен белиот вел на главата, на сведбата се појавила и во бел фустан.

За се да биде уште потажно, на една фотографија јасно се гледа како принцот Чарлс, додека ја води Дијана за рака гледа право во својата љубовница…

I’m obsessed with Camilla at Charles and Princess Diana’s wedding. She invented audacity pic.twitter.com/FUiJilXr3t

— Shirley Carter’s Pussy (@ShirleyPussy) November 15, 2020

Токму тој момент една обожавателка на британското кралско семејство неодамна го сподели на Твитер, а тоа за кратко време привлече огромно внимание и предизвика бројни коментари.

Вљубениците во ликот и делото на принцезата Дијана и денес, речиси 40 години подоцна, се разлутија од оваа глетка.