Деновиве доматите на хрватските пазари достигнуваат рекордни цени. Во некои градови килограм се продава за 10 евра, што е поскапо од килограм свинско месо, а на некои места дури и од телешкото месо пишува Н1.

На пазарот Долац во Загреб, килограм органски домати чини до седум евра. Одгледувачот на зеленчук Сенад Хујиќ од Доња Желина истакнува дека прво им нудат на клиентите дегустација, а потоа им го покажуваат сертификатот на органскиот производител. Во Задар понудата е малку поскромна, но цените се пониски. Доматите значително поскапеле во последните четири години. Во 2022 година, килограм чинел во просек 2,19 евра, додека денес е 3,14 евра.

Уште поголем раст забележаа „чери“ доматите, чија просечна цена се искачи од 3,51 на 5,13 евра за килограм. Ова значи дека обичните домати поскапеле за околу 43 проценти, а чери доматите за околу 46 проценти.

Највисоките цени одат во Дубровник, Пожега, Пула и Загреб. Во тие градови, килограм домати достигнува седум евра, додека чери доматите чинат до 10 евра за килограм. Владимир Стоичев, кој одгледува зеленчук од 1950 година, денес произведува на 500 квадратни метри интензивно производство. Тој за Нова ТВ изјави дека во последните години најмногу се зголемиле цените на минералните ѓубрива, заштитните средства и трошоците за работна сила.

Шест килограми домати за едно еспресо: земјоделците продаваат зеленчук со загуба