Чад во кабината го прекина летот на чартер-авион што патувал од Грција кон Лондон, по што леталото ноќеска морало принудно да слета на аеродромот во Ерфурт, Германија, објави Калибер.

Во авионот имало 225 патници и седум членови на екипажот. Станува збор за „ербас А321“ на британската авиокомпанија „Џет2“.

Откако бил забележан чад во леталото, екипажот побарал итна помош. Авионот безбедно слетал, а патниците и членовите на екипажот биле евакуирани. Повредени нема.

Пожарникарите извршиле проверка, но не откриле пожар, ниту извор од каде потекнувал чадот. Причината за инцидентот засега не е утврдена.

Авионот ќе остане во Ерфурт додека не се направи детален технички преглед. Во меѓувреме, авиокомпанијата треба да обезбеди заменски лет за патниците кон Лондон.

Рускиот авион, кој исчезна со 189 патници, принудно слетал во Сочи